最新櫻花開花預測地圖！三大賞花景點推介-東京篇！你去過未？

日本氣象株式會社喺今年3月7日發佈咗最新預測櫻花開花到滿開嘅日子。原來從北海道到鹿兒島有大約1000個櫻花觀賞地點都可以睇到日本最出名嘅染井吉野櫻樹（Yoshino Cherry），日本氣象株式會社都預測咗佢地的開花和盛開日期，大家記得mark低，一定包括到你地想要去嘅賞櫻地方。🌸🧳 而嚟緊去日本又想知道你去嘅地區櫻花開花時間同幾時滿開記得睇啦！ 東京3月23號開始大部分地方都可以睇到櫻花喇！依家為大家推介喺東京嘅賞櫻花熱點，三大推介： 1.上野恩賜公園 📍東京都台東区上野公園 位於東京市中心係其中一個最多人去賞櫻嘅公園🌸，園內有好多大草地，一邊野餐一邊睇櫻花真係十分之正！交通地點都十分方便，附近又有美術館、博物館、動物園等，所以一到週末都十分之多日本本地一家大細去。 2. 隅田公園 📍東京都台東区花川 1丁目 相信淺草係其中一個好多人都會去嘅景點，而喺櫻花季大家一定要再行過少少去呢個位於淺草繁華街道旁嘅 隅田川- 川岸公園賞櫻花。呢個公園有好多綠色休憩空間，公園嘅櫻花加上東京晴空塔，係一個靚絕嘅打卡美景。 3. 目黑川 📍東京都目黒区目黒 位置目黑JR 站附近嘅目黑川係一條長3.8公里嘅河流，而佢嘅兩邊岸上就種咗成800棵櫻花樹。當所有櫻花樹盛開嘅時候真係十分之壯觀同靚，一路沿住河邊漫步，一路影相📸係一個好獨特嘅賞櫻體驗。夜晚仲有燈火效果，又係另一番景象，更加之迷人！😍 將要去日本嘅朋友可以上日本氣象株式會睇最update 嘅開花預測呀： https://n-kishou.com/corp/news-contents/sakura 圖片/資料來源： 日本氣象株式會社 n-kishou.com 日本國家遊局 Visit Japan HK #東京#必去#櫻花#賞櫻#熱點#隅田公園#目黑#目黑川#上野恩賜公園#日本好去處#打卡景點 #攻略#日本之旅#旅遊行程#旅行打卡